#مشاهير العرب
زهرة الخليج - القاهرة 9 سبتمبر 2021
أعلنت الفنانة المصرية، ياسمين غيث، انتصارها على مرض السرطان، بعد مرور 5 سنوات على إصابتها به، موضحة أنها عاشت تجربة صعبة عليها، بعدما أبلغها الطبيب بأن مرور تلك السنوات دون عودة السرطان يعني انتصارها عليه.
ورفعت غيث لافتة المنتصرة على مرض السرطان، من خلال صور لها نشرتها عبر حسابها في موقع "إنستغرام"، موضحة في تعليقها أن أصعب 5 سنوات مرت، ويبقى عامان من العلاج، حيث حدد لها الطبيب المعالج 7 سنوات للتعافي تماماً.
وروت غيث تجربتها، التي عاشت فيها مشاعر ممزوجة بالألم والخوف والحزن والفرح وابتعاد أشخاص واقتراب آخرين، إلى أن مرت التجربة بخير.
وكتبت ياسمين غيث، قائلة: "خمس سنين حياة على كف عفريت زي ما بيقولوا.. اللي اتقال لي إن أول 5 سنين همه أكتر 5 سنين critical، ولازم نتابع علشان الـcancer مايرجعش".
View this post on Instagram
وتابعت غيث: "لسة مش مصدقة، مش عارفة حصل إزاي.. وعدوا بصعوبة.. قوي.. ولسه لغاية دلوقتي بفتكر، بنهار، بحلم بكوابيس إنه رجع تاني وبصحي أصرخ وأعيط وأقول مش عايزة يحصل لي كدة تاني والنبي يا رب.. بخاف، بعمل check up كل 6 شهور،and it never gets easier.. كل مرة نفس الإحساس ونفس الخوف..".
وعقبت: "عدم إحساس بالأمان اللي كنت حاسة بيه زمان وواخداه for granted.. كل مرة الدكتور بتاعي يقول لي ما تخافيش، لو عدا أول خمس سنين من غير ما ييجي تاني يبقي بإذن الله مش هييجي تاني.. وجه اليوم ده، بعد خمس سنين، من يوم ٦/٩/٢٠١٦.. اليوم اللي عرفت فيه إني عندي سرطان واليوم اللي عملت فيه العملية واتولدت من جديد!!".
وأردفت غيث: "عديت بإيه؟.. عديت بحزن، ألم، وقت صعب، جنان وتشتت، عدم سيطرة على مشاعري وتصرفاتي، فقدان أمل، كره، حب، فرحة، تغيير، خناق، زعل، ناس بعدت.. قوي، وناس تانية قربت، وناس قربت وبعدين بعدوا، عصبية، غضب، عدم تقبل لنفسي، أرق وعدم راحة، إحساس إني حد ماعرفوش.. اتغيرت!".
ومضت ياسمين غيث، تقول: "بقيت أوجع وعندي قلم أكتر بس أقوي وواثقة من نفسي أكتر، بقيت بساعد غيري وبدي اللي حواليا أمل!.. حبيت كل حاجة أكتر من الأول ومسكت في الحياة أكتر وابني روح قلبي كان أملي إني أكمل وأعيش علشان ماكنتش قادرة أقبل فكرة إني ماشوفوش بيكبر!".
واستطردت: "ألف حمد وشكر ليك يا رب عدد كل حاجة خلقتها، ماهما شكرتك وحمدتك وعملتلك، عمره ما هيبقى كفاية! شكراً إني لسه عايشة وبعافر.. شكراً على أكبر نعمة في حياتنا، اللهم ديم علينا جميعاً يا رب نعمة الصحة".
واختتمت ياسمين غيث منشورها، قائلة: "أصعب 5 سنين عدوا، فاضل 2 علشان أخلص بقية علاجي.. أيوه علاجي لمدة 7 سنين".
يذكر أن الفنانة ياسمين غيث في العشرينات من عمرها، وهي متزوجة ولديها طفل 6 سنوات، وكانت تعمل مدرسة بإحدى المدارس الدولية في مصر، وبعدها عملت لفترة مصممة أزياء، وتوقفت عن ذلك بعد فترة علاجها بالكيماوي.
وتعد ياسمين غيث من الفنانات اللاتي عانين سرطان الثدي، وكان سبباً في دخولها التمثيل، إذ ظهرت عبر مسلسل "حلاوة الدنيا"، الذي جسدت من خلاله شخصية "هبة"، الفتاة التي تعاني السرطان.
إقرأ أيضاً: بلقيس تكشف عن لونها المفضل في الملابس.. فما هو؟
