#مشاهير العرب
زهرة الخليج - القاهرة 16 مايو 2021
دخلت الفنانة المصرية مها أحمد على خط القرار الذي اتخذته الشركة المنتجة لمسلسل "نسل الأغراب"، بإيقافها التعاون مع المخرج المصري محمد سامي، حيث استغلت الأزمة، للحديث عن موقفين جمعاها ببطلي المسلسل الفنانين المصريين أحمد السقا وأمير كرارة.
ورغم أن مها أحمد لم تذكر اسميهما بشكل صريح، في منشورها الذي دونته عبر حسابها الخاص في "فيسبوك"، فإن حديثها كان واضحاً للجمهور الذي فسر ما كتبت على أنهما المقصودان، إذ وصفت الأول بأنه كان بمثابة الأخ لكنه باعها، وأكدت أن الثاني كان سبباً في دخولها في حالة من الاكتئاب.
وكتبت مها أحمد، قائلة: "عوضي على الله دي الجملة اللي دايماً بقولها لما أتصدم في أشخاص.. الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميله لهم أقربها أنا.. النجم الأولاني بيني وبينه عيش وملح وزمالة رشحت في مسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة، المفروض إنه عارف قيمتي الفنية وعارف إني إضافة له اتهرب مني وموقفش جنبي وباعني رغم إن الكل عارف إني زي أخته (ندل)".
وتابعت مها أحمد، قائلة: "أما التاني كان في بداياته يتمنى يسلم عليا ويقولي يا أستاذة نزلت من نفسي وقولتله مش هنشتغل مع بعض ما هي الحوجة مرة.. رد وقالي الدور بينادي صاحبه.. طبعاً محكلكوش قد إيه ندمت نفسي وعشت أسود أيام حياتي عياط واكتئاب.. وقلت (عوضى عليك يارب)..".
وعقبت مها أحمد، تقول: "الأيام والاتنين يعلوا ويتجمعوا مع بعض فمسلسل واحد (على عينهم طبعاً) ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية الدراما كاملة لصالحها وهما (مخدماتية للأستاذة).. يمهل ولا يهمل".
وتابعت الفنانة المصرية قائلة: "ابدأوا من جديد يا أوفر تمثيل ياللى مبتقروش ياكومبارس جنب النجمة.. نصيحة، بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا.. (عوضنا على الله).. يارب متحوجنا لحد حتى ولو كان أقرب الناس لينا".
وبعد هذا المنشور، تدخلت والدة وشقيقة أحمد السقا، حيث دونت "نادية"، منشوراً عبر حسابها في موقع "فيسبوك"، قائلة: "ع الأصل دور كومبارس فاشلة تتطاول وتسب فنانين كباراً، وتعلق فشلها عليهم تبحث عن الشهرة بطريقة بذيئة".
من جهتها، دونت فاطمة السقا، شقيقة أحمد السقا، منشوراً عبر حسابها في موقع "فيسبوك"، فقالت: "أبهرتيني يا مها بأخلاقك العالية.. وبإنك افتكرتي العيش والملح اللي أكلتيه في البيت بتاع الفنان اللي مش عارفة تقولي اسمه، بس عرفتي تقولي عليه (ندل).. اللي هو أحمد السقا.. بس أنا بقولك قدام الناس.. أي حد يقول عليه كده لأنه راجل كرمك ووقف جنبك إنتي ومجدي بدل المرة ألف".
ومضت شقيقة أحمد السقا، تقول: "وأمير كرارة بردوا راجل جدع ومحترم للي ما يعرفهوش في البوست بتاعك ده.. معرفش إيه الفرص اللي كانت عندك اللي كان يتمنى يشتغل معاكي فيها زمان؟! بس هو أي حد يتمنى يشتغل معاه دلوقتي أكيد.. وكلمة الدور بينادي صاحبه دي بتاعة أفلام.. ما بتتقالش في الحقيقة.. كفاية دراما وتشويه للناس".
واستطردت فاطمة السقا، قائلة: "وبعدين هما كممثلين مش مطالبين يقفوا جنبك ولا يجيبولك أدوار على فكرة.. دي رؤية مخرج وناس بتوع كاستنغ.. الحقيقة أنا مش عارفة إنتي عايزة إيه.. أنا مش شايفة بعد العشرة الطويلة اللي إنتي قولتي عليها غير كمية الحقد والشماتة، اللي كانوا متداريين ورا ابتسامة كدابة، معرفش إنتي إزاي كنتي بتدخلي بيوتنا.. السب والتطاول ده يدل على الأصل، وإحنا بقى ولاد ناس مع إننا عندنا كلام كتير أوي يتقال".
