#مشاهير العرب
زهرة الخليج - القاهرة 9 مارس 2021
حسمت الفنانة المصرية مي عمر الجدل حول ما تردد عن وجود جزء ثانٍ من مسلسل "لؤلؤ"، قائلة: "إن شاء الله هيكون في جزء ثاني من مسلسل لؤلؤ".
وأضافت، في تصريحات تلفزيونية: "أنا في الأول كنت خايفة من فكرة إن المسلسل 40 حلقة عشان الناس ما تزهقش.. لكن فعلاً الأحداث كانت مشوقة وزعلت إن المسلسل خلص.. والناس بتدور على الحاجة اللي تبسطها وتتفرج عليها بغض النظر عن موسم عرض المسلسل".
ونفت الفنانة المصرية ما تردد عن أن قصة مسلسل "لؤلؤ" عن حياة الفنانة شيرين عبد الوهاب، معلقة: "شخصية لؤلؤ هي من الخيال ولا تمت لقصة حياة أي حد موجود في الواقع.. أنا استغربت لما قالوا إن قصة المسلسل عن الفنانة شيرين عبد الوهاب لأن إحنا قايلين إنه القصة بتدور عن فتاة اتربت في ملجأ ده كفيل إنه ينهي الجدل".
وتحدثت مي عن سر نجاح مسلسل "لؤلؤ" قائلة: "كل الناس اللي كانت فيه اشتغلوا من قلبهم وعملوا مجهود جبار.. المسلسل ده احتاج تحضير سنة كاملة وتصوير 4 شهور.. والنجاح اللي حصل ده حسيت إنه علامة من ربنا إن الواحد يتعب وربنا سيعطيه بزيادة".
وتابعت: "بس أنا بعتبر إن زوجي المخرج محمد سامي هو أهم عنصر في نجاح مسلسل لؤلؤ ومش بس المسلسل ده لكن هو السبب الرئيسي في نجاح كل أعمالي.. لأنه فعلاً عمل حاجات كتيرة أوي عشان أوصل للي أنا فيه".
أما عن عملها الدرامي المقبل في رمضان، فأوضحت أنها تواصل حالياً تصوير مسلسل "نسل الأغراب" والذي يشاركها بطولته كل من النجمين أحمد السقا وأمير كرارة، معلقة: "مسلسل كبير ومرهق وهو دراما صعيدية تقيلة.. والفكرة بتاعته جديدة ومختلفة عن أي حاجة اتعملت قبل كده".
وسبق أن أعربت مي عمر عن سعادتها بعد نجاح مسلسلها "لؤلؤ" وتحقيقه مليار مشاهدة، وكتبت عبر صفحتها الرسمية على موقع "فيسبوك": "عندي أحاسيس كتيرة مختلفة.. إحساس بالسعادة.. بردود الأفعال ونجاح المسلسل.. وتوفيق ربنا اللي فاق كل التوقعات، إحساس بالحزن على انتهاء المسلسل اللي كنت متعلقة بكل تفصيلة فيه.. وإحساس بالمسؤولية في تقديم الأفضل المرة المقبلة إن شاء الله" .
إقرأ أيضاً: دولارات محمد رمضان تستفز المتابعين!
