هكذا استقبل نجوم سوريا العام الجديد

بأمنيات متقاربة، استقبل نجوم سوريا العام الجديد عبر مواقع التواصل الاجتماعي، متمنين عودة الأمان والسلام إلى بلدهم. بداية، كتب باسم ياخور: "يا رب تكون بداية الخير، وتنهي سنوات من الـلم والفقدان والتشرد والحزن، بنرحب فيها عساها تكون أحسن". وبمنشور مطول، قالت سلاف فواخرجي: "دائماً في آخر كل سنة، منشعر بإحساس غريب وقوي بالتفاؤل، ومنشعر إنها غير كل سنة، وبنقول السنة الجاية أكيد أحلى، ورح نبقى هيك نحس بالتفاؤل والأمل، ونتعلق بقشة ونصدقها ونعملها كومة، ونعيش فيها ونحاول نحلّيها، ونحلم ونتمنى ونطلب وندعي، وننتظر وننتظر وشو صعب الانتظار، وتعودنا مع كل ألم في أمل، كأنه كأنه السنة الجديدة أحلى، هيك أنا حاسة، يمكن يمكن اذا حبينا بعض أكتر، بيصير الانتظار أسهل وأقل قسوة، كل عام وأنتم بألف خير وحب". أما ديمة الجندي، فنشرت: "كل عام وأنتم بخير، سنة راحت من عمرنا بكلشي وجع و فرح وهلق عم نستقبل سنة جديدة وأماني جديدة، يا رب تكون سنة خير ومحبة وأمان وسلام بكل العالم، بحبكون كتير". واكتفت ميسون أبو أسعد بالقول: "إن شاء الله يا رب تكوني سنة السلام، كل عام وأنتم بخير". بدورها، قالت ديمة قندلفت: "كل عام وأنتم وبلدنا بخير ومحبة يا غاليي، إن شاء الله تحققوا كل طموحاتكن يا رب ويعم السلام سورية". وبكلمات مختصرة، نشرت شكران مرتجى: "حزن أقل، فرح أكثر، كره أقل، حب أكثر، ألم أقل، صبر أكثر، فشل أقل، نجاح أكثر، خوف أقل، أمان أكثر، كوني كذلك 2016". وبخلاف كل الفنانين، وبسبب وفاة والدها العام الماضي، امتنعت كندا حنا عن الاحتفال وقالت: "هي السنة ماني معيدة لأنو بابا مو معنا، السلام لروحه، بس عادة ـجواء العيد بيتنا كانت بسيطة وحنونة، ينعاد عليكون جميعاً، وإن شاء الله سنة أمن وأمان لسوريا بيتنا الدافي". المزيد: شاهدي نجوم سوريا قبل 22 عاماً