انطلق هاشتاق يحمل عنوان "ظاهرة مصرية لازم يتولع فيها" على موقع التواصل الإجتماعي " تويتر "، عبر من خلاله المصريون عن أهم الظواهر التي يجب أن تتوقف في المجتمع المصري. "توكا أحمد "في تغريداتها التي وسمتها بالهاشتاق ..البنات المسمية بروفايلها انا حبيبة مودي ،، انا حبيبة دودي ،، انا حواجب صبحي،،انا كرش فتحي دي لازم تولع بغاز ". بالإضافة إلى" اللي بيدخلو كلمتين انجليزى و هما بيتكلمو عشان يبانو إنهم ولاد ناس و كدة". وقال "عبدوه" الظاهرة التي يجب أن "نولع فيها هي البنات اللي بتلبس فسفوري " .. وغرد خالد حلمي "البنت اللى بتلف الطرحة كأنها بتلف هدية" .. وقال عبدالله سمير "سواق التاكسى إلى تديلة فلوس يقولك خلى ياباشا ..تديله 5جنيه يقولك انا غلبان... تديه 10يقولك خلى وحيات عيالى" . أما عبير فقالت " الظاهرة التي يجب أن يولع فيها هي زغرطي ياختي .... ليه ياماما .. أنا عاوزة اعرف ليه كل ما حصلت حاجة ادوك من الزغاريط دي .. مولد أو فرح أو عزا مش مهم المهم زغرطي". يذكر أن الهاشتاق لم يخلو من مناقشة امور جدية مثل ظاهرة الإخوان من الأمور التي يجب القضاء عليها ، بالإضافة إلى عدم احترام الوقت، الزحمة، التحرش والتفريق والتمييز الطائفي بين مسلم ومسيحي.