حلّت غادة بشور ضيفة على إحدى حلقات "دنيا" بجزئه الثاني الذي تلعب بطولته أمل عرفة، وشكران مرتجى إضافة إلى عدد كبير من نجوم الدراما السورية. وصباح أمس، كتبت عرفة منشوراً عبر صفحتها الخاصة على الفايسبوك امتدحت فيه الفنانة القديرة، فقالت: "غادة بشور بدون ألقاب لأنّك أكبر من أي لقب، مو لأنك فنانة حقيقية، ولا لأنك تعبتي بجد وبإخلاص واحترام للمهنة لتوصلي لهون، ولا لأنك من أهم الراقصات بسوريا واللي أدهشتينا كتير ببراعة أدنك الموسيقية، لاء غادة بشور بدون لقب لأنك فنانة بتستحقي الاحترام مني ولأنّ طاقة الحب والود والخير اللي ملازمينك وين ما بتروحي، هنن اللي نحنا بأمس الحاجة إلهون بوقتنا هاد وبكل وقت". وأضافت: "غادة بشور مالك مثيل، بحبك وبفتخر فيكي". وجاء رد بشور سريعاً بتعليق كتبت فيه: "أمل عرفة الفنانة النجمة أختي. ابنتي. الي الشرف انو اسمع هالكلام منك انتي والشرف الأكبر انو شاركت معك بأكتر من مسلسل كان آخرهم "دنيا" اللي بعتبرو وسام على صدري وخاصة انو العمل من كتابتك. من أنامل فنانة إنسانة بكل معنى الكلمة، بحبك وبفتخر فيكي". المزيد: أمل عرفة “قرفانة”!