بعد أربعة أيام فقط على إعلان زواجها في حفل صغير اقتصر على المقربين، أكدت تولين البكري على انفصالها عن زوجها رجل الأعمال السوري مجد بدور، مشيرة إلى أنّ سبب الطلاق يعود إلى رفض أهله لها على اعتبارها مطلقة سابقاً من جهة، وممثلة من جهة ثانية. وكتبت عبر صفحتها الرسمية على الفايسبوك: "رفقاتي، حبايبي، لكل اللي فرحولي من قلبون، ولكل اللي باركولي وتمنولي الخير بقول ومتل ما كنتو معي نضاف وبقلب صافي وبمحبة فرحتوا لفرحي، أنا واجبي بادلكم بنفس الصدق والصفاء وشيل كل تساؤل وإشارة استفهام عم تفكروا فيها، بما إني بعد يوم من إعلان زواجي شلت كل الصور". وأضافت باللهجة العامية السورية: "أنا رح واجه مشكلتي معكم لأنو قد ماخبيت ما في شي بيدوم، وما في داعي لخبي لأني ما غلطت، بالعكس، أنا متلي متل أيا أنثى، بتحلم بالاستقرار والأمان والدفا والعيلة والحب، ارتبطت شرعاً بشب ابن عالم وناس وتزوجنا بعد ما تقدملي بشكل رسمي وحكا مع أهلي وطلبني على سنة الله ورسوله، ولكن للأسف كان لأهل هالشب اعتراض عليي ومآخذ بما أنني مطلقة وممثلة وأجبروه على فسخ عقد الزواج القائم بيننا". وختمت منشورها بالقول: "ما عندي شي خبيه لأني ما غلطت، كل ذنبي كان إني طلبت الحلال مع هالشب، وبالنهاية كل شي لخير أكيد، وقسمة ونصيب، بس حابة قول لكل أم عندها شب عم تدور لابنها على عروس من وجهة نظرها، أخلاق هالعروس بتنطلق من عذريتها بحب قول لهالأم، يا سيدتي عذرية الروح أهم بكتير من عذرية الجسد، وبعتذر من أهلي قدام الكل لأني حطيتون بهالموقف بدون أي ذنب". المزيد: تولين البكري توضح حقيقة مرضها