طمأنت الممثلة الشابة وملكة جمال مصر السابقة إنجي عبد الله جمهورها، بشأن إصابتها بمرض السرطان الذي أعلنت عن في شهر فبراير الماضي. وأكدت إنجي عبر صفحتها الرسمية على فيسبوك ، أن الفحصوصات الطبية التي أجرتها أثبتت أن المرض حميد وليس خبيثا. وأوضحت عبر رسالة كتبتها لجمهورها:"أنا عملت فحوصات كتير هنا في اليابان واللي أتأكدت منه دلوقتي أنو مش خبيث لأن حجم الورم متغيرش من شهرين، وفي احتمالات تانية كتير، إنه يكون فيروس أو انفكشن". واستكملت حديثها قائلة: "والله العظيم كل الدكاتره اللي متابعين حالتي هنا مذهولين، في الإشعات باين حجم ورم وكبير في مكان خطر هو جزع المخ اللي ميقدروش يخدوا عينة منه لأنه في مكان خطر. واستطردت في الحديث: "أنا معنديش أي أعراض خارجية غير لما أمشي لمدة طويلة بفقد الإحساس برجلي وأحيانا بشوف كل حاجة قدامي اتنين، وهما مش عارفين إزاي ده ممكن يحصل، وفعلا شايفني حالة غريبة، لأن الأعراض اللي عندي حاجة بسيطة قدام الأشعات اللي شايفنها". وأنهت رسالتها قائلة: "الحمد لله أني كويسة وفي أمل كبير أوي دلوقتي إنها تطلع حاجة ممكن تتعالج، أنا فعلا بشكر كل اللي حواليا وحاسة إن كل الدعا اللي ادعالي فرق كتير وعندي إيمان أن ممكن يكون غير من حاجة وحشة كانت هتحصلي، بجد شكرا من قلبي وربنا يحميكوا لأهلكو وكل الناس اللي بيحبوكوا وبتحبوهم. شكرا". يذكر أن أنجي كانت قد أعلنت مؤخراً عن إصابتها بسرطان النخاع الشوكي، مؤكدة أنه يصعب التدخل الجراحي في هذه المنطقة. ومن المعروف أنّ أنجي حصلت على لقب ملكة جمال مصر عام 1999، ثم اتجهت إلى السينما، وقدمت فيلماً بعنوان “بدر”. بعدها، اختفت عن الساحة سنوات لتعود أخيراً وتشارك في عدد من الأعمال التلفزيونية منها “شطرنج” و”ألوان الطيف”. وقبل أشهر قليلة، احتفلت إنجي بزفافها من ألبر بوسوتر، القائم بأعمال سفارة تركيا في القاهرة. للمزيد: ملكة جمال مصر تعلن إصابتها بالسرطان